श्री रामचन्द्र कृपालु भजु मन

Original lyrics

श्री रामचन्द्र कृपालु भजु मन हरण भव-भय दारुणं ।
नवकंज-लोचन, कंज-मुख, कर-कंज, पद कंजारुणं ॥१॥
कंदर्प अगणित अमित छवि, नवनील नीरद सुंदरं ।
पट पीत मानहु तड़ित रुचि शुचि नौमि जनक-सुतावरं ॥२॥
भजु दीनबंधु दिनेश दानव-दैत्य-वंश-निकंदनं ।
रघुनन्द आनन्दकन्द कोशलचन्द दशरथ-नन्दनं ॥३॥
सिर मुकुट कुण्डल तिलक चारु उदारु अङ्ग विभूषणं ।
आजानुभुज शर-चाप-धर संग्राम-जित खरदूषणं ॥४॥
इति वदति तुलसीदास शंकर-शेष-मुनि-मन-रंजनं ।
मम हृदय-कंज निवास कुरु कामादि खल-दल-गंजनं ॥५॥
मनु जाहि राचेउ मिलहि सो बरु सहज सुन्दर साँवरो ।
करुणा निधान सुजान शीलु सनेहु जानत रावरो ॥६॥
एहि भाँति गौरी असीस सुनि सिय सहित हियँ हरषीं अली ।
तुलसी भवानी पूजि पुनि-पुनि मुदित मन मन्दिर चली ॥७॥
जानि गौरी अनुकूल सिय हिय हरषु न जाइ कहि ।
मंजुल मंगल मूल वाम अंग फरकन लगे ॥